កុមារាម្នាក់ជិះកង់ឆ្លងផ្លូវ ត្រូវរថយន្តដឹកដីបុកកិនបែកក្បាលស្លាប់
23-May-2016 | ដោយ មែន កំសត់
ខេត្តកណ្តាល ៖ កុមារាម្នាក់បានជិះកង់ឆ្លងផ្លូវត្រូវរថយន្តដឹកដីបុកហើយកិនបែក មួយចំហៀងក្បាលស្លាប់យ៉ាងអាណោចអាធម័បំផុត។ ហេតុការណ៍គ្រោះថ្នាក់ចរាចរដ៍គួរឲ្យរន្ធត់នេះកើតឡើងនៅវេលាម៉ោង១១ និង១០នាទីព្រឹក ថ្ងៃទី២២ ខែឧសភា ឆ្នាំ២០១៦ លើផ្លូវលេខ១១០ស្ថិតក្នុងភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្ដាល។ កុមារារងគ្រោះឈ្មោះ ពៅលីហួ ភេទប្រុស អាយុ6ឆ្នាំ ជាសិស្សរស់នៅក្នុងបន្ទុកជាមួយឪពុកឈ្មោះ ពៅ ធា អាយុ37ឆ្នាំម្ដាយឈ្មោះ ឡឹង សម័យ អាយុ33ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំខាងលើ។
តាមប្រភពបាននិយាយថាមុនពេលកើតហេតុគេឃើញកុមារារងគ្រោះជិះ កង់តូចពណ៌សឆ្លងផ្លូវពីខាងស្តាំទៅខាងឆ្វេងដៃក្នុងទិសដៅពីកើត ទៅលិច ដោយមិនបានមើលឆ្វេងស្តាំខណៈឆ្លងជិតដល់ចិញ្ចើមផ្លូវស្រាប់តែ រថយន្តដឹកដីម៉ាកនីសាន់ ពណ៌ខៀវ ពាក់ស្លាកលេខភ្នំពេញ 3A-8743 បើកបរក្នុងទិសដៅផ្ទុយគ្នាពីជ្រៃធំទៅច្បារអំពៅ បើកបរដោយបុរសមិនស្គាល់អត្តសញ្ណាណក្នុងល្បឿនយ៉ាងលឿនបានបុក កុមារារងគ្រោះដែលកំពុងជិះកង់ពេញទំហឹងហើយបណ្តាលឲ្យកិនបែកក្បាល មួយចំហៀងចេញខួរស្លាប់យ៉ាងអាណោចធម័នៅនឹងកន្លែងកើតហេតុ។ ចំណែករថយន្តបង្កក្រោយបើកបុកកុមារារងគ្រោះរួច មិនបានឈប់ទេបន្ថែមល្បឿនបើកមុខប្រហែល ៥០០ម៉ែត្រ អ្នកបើកបររត់គេចខ្លួនបាត់ស្រមោលបន្សល់ទុកតែរថយន្តនៅទីនោះ។
បន្ទាប់កើតហេតុកម្លាំងនគរបាលជំនាញសហការណ៍ជាមួយនគរបាលប៉ុស្តិ៍ ចុះធ្វើការវាស់វែងយករថយន្ត និងកង់ទៅកាន់អធិការដ្ឋាននគរបាលស្រុកកៀនស្វាយដើម្បីចាត់ការតាម នីតិវិធី។ រីឯសាកសពកុមារារងគ្រោះក្រោយពីធ្វើកំណត់ហេតុ ក៏ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ គួរបញ្ជាក់ថានៅក្នុងស្រុកកៀនស្វាយសព្វថ្ងៃមានឈ្មួញរកស៊ីដឹក ជញ្ជូនអាចម៍ដីលក់ជាច្រើនក្រុមកំពុងតែធ្វើសកម្មភាពដឹកជញ្ជូនដាក់ ពេញៗហៀរទ្រុង ដោយគ្មានគ្របត្រឹមត្រូវ ហើយបើកបរលឿនៗមិនថាផ្លូវភូមិឬផ្លូវថ្នល់ជាតិទេបង្កឲ្យប៉ះពាល់ ដល់ការរស់នៅរបស់ប្រជាពលរដ្ឋ និងមានការក្តៅក្រហាយគ្រប់ៗគ្នា។ រីឯរណ្តៅដីវិញជីកចង់ដល់ក្បាលប្រេត តែងតែបង្កឲ្យមានគ្រោះថ្នាក់ដល់អាយុជីវិតមនុស្សជាបន្តបន្ទាប់ដូច ជាករណីលង់ទឹកក្នុងរណ្តៅដី និងករណីគ្រោះថ្នាក់ចរាចរជាដើម។ រីឯអស់លោកអាជ្ញាធរសមត្ថកិច្ចស្រុកមួយនេះមិនដែលមានចំណាត់ការឲ្យ មានប្រសិទ្ធភាពទៅលើក្រុមឈ្មួញទាំងនោះម្តងណាទេ និយាយរួមគឺឃើញតែចុះដើរប្រមូលលុយពីក្រុមឈ្មួញទាំងនោះដាក់ហោប៉ៅ រៀងៗខ្លួន៕
ចំនួនអ្នកទស្សនា
- ថ្ងៃនេះ12781
- ម្សិលមិញ20231
- សប្តាហ៍នេះ91861
- ខែនេះ113741
- ឆ្នាំនេះ113741
- សរុប20556197